Qazaqstanda jańa radıo habar tarata bastady

ASTANA. QazAqparat – Respýblıka kúni qarsańynda áýe tolqynynda jańa otandyq radıoarna habar tarata bastady. Bul jıilikten tek qana zamanaýı qazaqsha ánderdi tyńdaýǵa bolady, dep habarlaıdy QazAqparat.

Jańa ((beu)) radıostantsııasy Astanada 100 FM, al Almatyda 97.7 FM jıiliginde habar taratady. Efırde ánshilerdiń jańa tolqyny jumys isteıtin barlyq janr qamtylmaq: Q-pop, ındı jáne r’n’b-dan bastap eksperımentaldyq mýzykaǵa deıin.

Jobanyń basty ıdeıasy – jas mýzyka qaýymdastyǵyna qoldaý bildirip, damytý jáne aýdıtorııaǵa otandyq sahnanyń jetistigin tanystyrý. Radıo efıriniń 90%-y – qazaqsha ánder, podkastiler men shoýlar bolady.

((beu)) – beý degen sóz, ıaǵnı mýzykaǵa nemese oryndaýshy ónerine tamsanǵan adamnyń qoshemet sózi. Al, jaqshalar radıotolqyndy bildiredi. Radıo týraly tolyqqandy aqparat Astana Media Week taratylmaq. Radıonyń resmı tanystyrylymy Almatyda 3 qarasha kúni ótedi.