Qazaqstanda jańa psıhoaktıvti zattardyń aınalymyna memlekettik baqylaýdy kúsheıtetin zań qabyldanady

ASTANA. QazAqparat - Qazaqstanda jańa psıhoaktıvti zattardyń aınalymyna memlekettik baqylaýdy kúsheıtetin zań qabyldanady. Bul týraly búgin ShYU-ǵa múshe memleketterdiń esirtki aınalymyna qarsy kúres jónindegi ókilettilik berilgen quziretti organdary basshylarynyń kezekti keńesinde QR Іshki ister mınıstrligi Esirtki bıznesimen kúres departamentiniń bastyǵy Sultan Kúsetov málim etti, dep habarlaıdy QazAqparat.

Departament basshysynyń aıtýynsha, elimizdi esirtki aınalymynyń jolyn kesýge baǵyttalǵan sharalardyń arqasynda geroın tapshylyǵy oryn alyp, onyń qymbattaýyna ákeldi. Máselen, osydan 5 jyl buryn geroınniń 1 kelisi 6 myń dollar bolsa, búginde 20 myń dollarǵa jetip otyr.

«2016 jyly Qazaqstanda 3,5 myńnan astam esirtki qylmysy tirkelip, 36 tonna 600 keli esirtki tárkilendi. Onyń 196 kelisi - geroın.  Esirtki kontrabandasynyń 260 faktisi anyqtaldy, esirtki satýdyń shamamen 2,5 myń faktisiniń joly kesildi», - dedi ol.

Kúsetovtiń dereginshe, 11 uıymdasqan qylmystyq toptyń áreketi áshkerelenip, esirtki  satýdan túsken aqsha qarajatyn zańdastyrý faktisi boıynsha 6 qylmystyq is qozǵaldy. Buǵan qosa, shamamen 10 myń dollardyń múlki buǵattaldy.

«Qazirgi ýaqytta Qazaqstan úshin jańa psıhoaktıvti zattardyń paıda bolýy jáne taralýy ózekti bola túsýde. Osyǵan baılanysty biz olardyń aınalymyna memlekettik baqylaýdy jetildirý boıynsha zań jobasyn ázirledik. Qazirgi ýaqytta qujat qol qoıý protsedýrasynda jáne aǵymdaǵy jyldyń qyrkúıeginde qabyldanatyn bolady», - dedi departament basshysy.