Qazaqstanda jańa páter quny qymbattady
ASTANA. QazAqparat - Qazaqstanda 2019 jyldyń aqpan aıynda jańa baspananyń sharshy metriniń baǵasy týra ótken aıdaǵy sekildi orta eseppen 277 457 teńgeni qurady, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.
Baspana baǵasy 2018 jyldyń jeltoqsanymen salystyrǵanda 0,6%, byltyrǵy qańtar-aqpan aılarymen salystyrǵanda 3,1% ósken.
Qaıta satylatyn abattandyrylǵan baspananyń 1 sharshy metri aqpan aıynda ortasha 189 764 teńge (qańtar aıymen salystyrǵanda 0,3%, 2018 jyldyń jeltoqsanymen salystyrǵanda 0,6%, 2019 jyldyń qańtar-aqpan aılarynda byltyrǵy jyldyń osy kezeńimen salystyrǵanda 2,2% ósken), abattandyrylmaǵan baspana quny 119 107 teńge (+0,2%, +0,7% jáne +3,2% ósken) boldy.
Jalǵa beriletin abattandyrylǵan baspananyń 1 sharshy metriniń baǵasy ótken aıda ortasha 1 431 teńgeni qurady (+0,7%, +2,2% jáne +7,6%).
