Qazaqstanda jańa oıyn aımaqtary ashylmaıdy
NUR-SULTAN. QazAqparat - Parlament Májilisiniń tóraǵasy Nurlan Nyǵmatýlın el aýmaǵynda jańa oıyn aımaqtaryn ashý múmkindigin qoldamady, dep habarlaıdy QazAqparat tilshisi.
Búgin palatanyń jalpy otyrysynda «Qazaqstan Respýblıkasynyń keıbir zańnamalyq aktilerine oıyn bıznesi máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
Osy zań jobasy boıynsha depýtattar kóptegen mańyzdy túzetýler engizdi. Máselen, jumys toby barysynda jańa úsh oıyn aımaǵyn ashý týraly normalar alyp tastaý, oıyn bıznesin uıymdastyrýshylarǵa zań jobasynda kózdelgen mindetterdi oryndamaǵany úshin ákimshilik jaýaptylyq belgileý jóninde, sondaı-aq jaqyn týystarynyń ótinishi boıynsha sottyń qumar oıyndardy jáne bás tigýdi teris paıdalanatyn adamdardy áreket qabileti shekteýli dep tanýǵa qatysty usynystar engizdi.
«Depýtatardyń usynysy boıynsha qosymsha úsh oıyn aımaǵyn ashý týraly normalar alyp tastaldy. Býkmekerlik keńseler men totalızatorlar qazir jumys istep turǵan oıyn aımaqtaryna aýysady», - dedi N. Nyǵmatýlın.
Osy oraıda ol býmekerlik keńseler men totalızatorlardy megapolıster men oblys ortalyqtarynda jáne qalalarda qaldyrý týralytujyrymdar negizsiz ekenin atap ótti.
«Meniń oıymsha, osynda memlekettik organdardyń qoldaýymen depýttar belsendi ilgeriletken ustanymdy ekinshi oqylymǵa deıin qoldaý kerek», - dedi Nurlan Nyǵmatýlın.
«Bizde ne bolyp jatyr? Jumystan shyqqan adam úıine jetkenshe joldaǵy onshaqty keńseler arqyly ótedi. Qolyndaǵy aqshany soǵan salyp, úıine tapqan tabysynan aıyrylyp keledi. Eger oınaǵysy kelse, kólikke otyryp, tıisti aımaqta (Býrabaı, Qapshaǵaı) oınaıdy», - dedi Májilis tóraǵasy.
