Mektepterdegi jańa oqý jylynyń kestesi bekitildi

ASTANA. KAZINFORM — Oqý-aǵartý mınıstrligi orta bilim berý uıymdarynda 2025–2026 oqý jylynyń bastalý jáne aıaqtalý merzimderin, sondaı-aq kanıkýl kezeńderin naqtylady. 

Vedomstvonyń málimetinshe, oqý protsesi 2025 jylǵy 2 qyrkúıekte bastalyp, 2026 jylǵy 25 mamyrda aıaqtalady. Bilim kúnine arnalǵan saltanatty jıynnyń ýaqyty men kúni mekteptiń pedagogıkalyq keńesiniń sheshimimen belgilenedi.

Birinshi toqsanda oqý ýaqyty 8 apta. Kúzgi kanıkýl 2025 jylǵy 27 qazanda bastalyp, 2 qarashany qosa alǵandaǵy 7 kúnge sozylady.

Ekinshi toqsan 8 oqý aptasynan turady. Qysqy kanıkýl 2025 jylǵy 29 jeltoqsanda bastalyp, 2026 jylǵy 7 qańtardy qosa alǵandaǵy 10 kúnge jalǵasady. Birinshi synyp oqýshylary úshin qosymsha demalys 2026 jylǵy 9 aqpannan 15 aqpandy qosa alǵandaǵy 7 kúndi quraıdy.

Úshinshi toqsan 10 oqý aptasynan turady. Kóktemgi kanıkýl 2026 jylǵy 19 naýryzda bastalyp, 29 naýryzdy qosa alǵandaǵy 11 kúnge sozylady.

Tórtinshi toqsannyń uzaqtyǵy 8 oqý aptasyn quraıdy, oqý jyly 2026 jylǵy 25 mamyrda aıaqtalady.

Aıta keteıik, bıyl oqý jyly 2 qyrkúıekte bastalady.