Qazaqstanda jańa munaı zaýytynyń elimizdiń qaı aımaǵynda salynatyny áli belgisiz - Eýrazııalyq forým
TANA. 4 qazan. QazAqparat /Aıdar Ospanalıev/ - Qazaqstanda munaı óńdeıtin 3 zaýyt bar. Olardyń búgingi qýaty jylyna 15 mıllıon tonna munaıdy quraıdy.
Al osy zaýattardy jańǵyrtý sharalary júzege asyrylǵanda, zaýyttardyń óndiris qýaty 17,5 mıllıondy quraıtyn bolady. Bul týraly búgin Astanada ótip jatqan VI KAZENERGI Eýrazııalyq forýmynyń barysynda jýrnalıstermen bolǵan baspasóz máslıhatynda «QazMunaıGaz» ulttyq kompanııasynyń Basqarma tóraǵasy Qaıyrgeldi Qabyldın málim etti.
Onyń aıtýynsha, aldaǵy ýaqytta osy úsh zaýyttan shyǵarylatyn ónim Qazaqstannyń janar maıǵa degen qajettiligin tolyǵymen óteıtin bolady. «Al Qazaqstanda jańa zaýyt salý máselesine keletin bolsaq, biz ony 2020 jylǵa taman salamyz degen jospar bar. Degenmen bul jaı ǵana jospar, ol áli pisip jetilmegen. Sondyqtan zaýyttyń naqty qaı jerde salynatyny týraly áńgime qozǵaý erte»,-dedi Basqarma tóraǵasy.
