Qazaqstanda jańa munaı óńdeý zaýyty salyna ma

ASTANA. QazAqparat – QR Energetıka mınıstriniń mindetin atqarýshy Bolat Aqsholaqov jańa munaı óńdeý zaýytyn salýǵa qatysty qandaı sheshim bar ekenin aıtty, dep habarlaıdy QazAqparat tilshisi.

«Munaı óńdeý zaýytyna qatysty toqtalsaq, byltyr Shymkent munaı óńdeý zaýytyn keńeıtý týraly sheshim qabyldadyq. Kezinde ol 12 mıllıon tonnaǵa eseptelgen bolatyn. ıAǵnı, onyń tek 6 mln tonna shamasyndaǵy qýaty iske qosylǵan», - dedi B. Aqsholaqov Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, zaýyttyń aýmaǵy negizinen 12 mln tonna óndirýge arnalǵan.

«Bul zaýyttyń qýatyn eki ese arttyrý týraly sheshimge toqtaldyq. Shyn máninde, biz Shymkent munaı óńdeý zaýyty aýmaǵynda taǵy da 6 mıllıondyq munaı óńdeý zaýytyn salǵymyz keledi. Eger basqa bos aýmaqta derbes salsaq, ol joba qymbatqa túsedi. Sondyqtan zaýytty qoldanystaǵy ınfraqurylymnyń aýmaǵynda salsaq, bul joba jeńildeý bolady, óıtkeni ol jerge munaı qubyrlary tartylǵan», - dedi mınıstrdiń mindetin atqarýshy.

Onyń sózine qaraǵanda, jańa óndiristi jobalaýdan iske qosýǵa deıin shamamen alty jyl ýaqyt kerek.

Budan buryn habarlanǵandaı, Qazaqstanda benzın men dızel otynynyń baǵasy ósedi.

QR Energetıka mınıstriniń mindetin atqarýshy Bolat Aqsholaqov elimizde janarmaı baǵasynyń ósýine qandaı sebepter áser etip otyrǵanyn aıtty.