Qazaqstanda jańa mobıldi operator paıda bolýy múmkin

ASTANA. KAZINFORM – Eldegi baılanys operatorlarynyń qyzmet sapasy men tarıf deńgeıi turǵyndardyń kóńilinen shyqpasa, jańa mobıldi operator iske qosylýy múmkin. Bul týraly Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Ashat Orazbek Úkimettegi brıfıngte málimdedi.

Onyń aıtýynsha, mınıstrlik Tele2 men Altel kompanııalaryn Qatar ınvestoryna satý mámilesine úlken úmit artyp otyr, sebebi bul baılanys operatorlary arasyndaǵy básekeni kúsheıtedi.

– Bizde biraz ýaqyt boıy mobıldi baılanys naryǵynda dýopolııa boldy. Olıgopolııa sııaqty dýopolııa da asa tıimdi emes. Sondyqtan tarıfterdi retteı almaıtynymyz úshin bul mámileden úlken úmit kútemiz. ıAǵnı úsh táýelsiz mobıldi baılanys operatorlarynyń arasyndaǵy básekege senim artamyz. Bul baılanys sapasyn jaqsartýǵa múmkindik beredi dep oılaımyz jáne bunyń baǵalarǵa áser etetinine senimdimiz. Esterińizde bolsa, Tele2 naryqqa kelgende tarıfterdi kúrt tómendetken edi, bul Kcell men Beeline kompanııalaryn da baǵalaryn tómendetýge májbúr etti, – dedi vıtse-mınıstr.

Onyń aıtýynsha, aldaǵy jarty jylda jańa komanda kompanııadaǵy jaǵdaıdy zerttep, naryqty jaqsartý úshin sharalar qabyldaıdy. Eger bul júzege aspasa, Tsıfrlyq damý mınıstrligi 2 jylda jańa operatordy engizýdi josparlap otyr, bul úshin jıilik dıapazondary daıyndalǵan.

– Eki jyldan keıin, eger qazirgi úsh operator azamattarymyzdyń sapa men tarıfterge qatysty qajettilikterin qanaǵattandyrmasa, biz naryqqa tórtinshi operatordy engizýge daıyn bolamyz, – dep tolyqtyrdy Ashat Orazbek.

Aıta keteıik, Qazaqstanda telekommýnıkatsııalar týraly jańa zań ázirlenip jatyr.

Sondaı-aq, elimizde baılanys sapasyn qadaǵalap, azamattardyń quqyqtaryn qorǵaıtyn qor qurylady.