Qazaqstanda jańa memlekettik kompanııa qurylady

ASTANA. KAZINFORM – «Teńiz jasaǵy» aktsıonerlik qoǵamyn qurý týraly Úkimet qaýlysy Ashyq NQA portalynda jarııalandy. 

Úkimet qaýlysyna sáıkes, «Teńiz jasaǵy» AQ memlekettik kompanııasy kelesi qyzmetterdi atqarady:

1. Soltústik Kaspıı munaıdyń tógilýine áreket etý ekologııalyq bazasyn jáne Kaspıı teńiziniń qaırańynda iske asyrylatyn basqa da teńizdegi munaı operatsııalaryna qoldaý kórsetetin ınfraqurylymdyq nysandardy paıdalanýǵa berý, paıdalaný, basqarý jáne servıstik qyzmet kórsetý;

2. Kaspıı teńiziniń qaırańynda iske asyrylatyn teńizdegi munaı operatsııalaryna qoldaý kórsetetin ınfraqurylymdyq nysandardy jasaý;

3. munaıdyń tógilýiniń aldyn alý jáne tógilgen jaǵdaıda teńizde jáne jaǵalaýda áreket etý jumystary;

4. munaı-gaz jabdyǵyn shyǵarý jáne servıstik qyzmet kórsetý jobalaryna qatysý;

5. munaı-gaz salasynda tehnıkalyq qoldaý kórsetý.

Sondaı-aq, qaýly jobasynda kompanııanyń jarǵylyq kapıtalyna memlekettiń 100% qatysatyny aıtylǵan. 

«Teńiz jasaǵy» aktsıonerlik qoǵamyna Tótenshe jaǵdaılar mınıstrligine ıelik etpek jáne kompanııa Mańǵystaý oblysynda ornalasady. Qaýly jobasy 26 shildege deıin kópshilik nazaryna talqylaýǵa usynylyp otyr.