Qazaqstanda jańa medıaodaq quryldy
ASTANA. QazAqparat - Baılanys jáne aqparat qyzmetkerleri kúninde elimizdiń tanymal medıabasshylary men jýrnalıster toby «Qazaqstan Medıaodaǵy» qoǵamdyq uıymyn qurǵanyn jarııalady. 28 maýsym - jýrnalıster ózderiniń kásibı merekelerin atap ótetin kúni odaq basshylarynyń birinshi jalpy jınalysy bolyp ótti.
«Qoǵamdyq uıymdy qurý kásibı jýrnalıster men jýrnalıstıka salasyn nyǵaıtýǵa baǵyttalǵan aqparattyq keńistiktiń qatysýshylaryn kásibı qoǵamdastyqqa shoǵyrlandyrý qajettiliginen týyndady», - delingen uıymnyń habarlamasynda.
«QazAqparat» HAA Bas dırektory Asqar Ýmarov, Armanjan Baıtasov, Erlan Bekhojın, Erlan Qarın, Shámshıdın Páteev, Nurtóre Júsip, Nurjan Muhamedjanova, Batyr Qazybaev, Dana Ormanbaeva, Aıdar Jumabaev, Vıktor Kııanıtsa, Mıhaıl Dorofeev, Arman Shoraev jáne Beıbit Álibekov odaqtyń quryltaıshylary boldy. 2017 jyldyń qańtar aıynda «Qazaqstan Medıaodaǵynyń» birinshi sezi ótkizilip, onda basqarma músheleri saılanady jáne odaq qyzmetiniń negizgi baǵyty talqylanatyn bolady.
