Qazaqstanda jańa Qylmystyq is júrgizý kodeksi tekseriletin materıaldardyń edáýir azaıýyna múmkindik berdi
Bul týraly búgin ekinshi kún - Almaty oblysynyń Talǵar qalasynda ornalasqan Búkilálemdik boks akademııasy ǵımaratynda «Protsessýaldyq zańnamany jańǵyrtý - sot tóreligi men quqyq qorǵaý qyzmeti tıimdiliginiń kepili» taqyrybynda ótip jatqan Halyqaralyq konferentsııa barysynda QR Bas prokýrorynyń birinshi orynbasary Iogan Merkel málim etti.
Ol óz sózinde ótken jyly atqarylǵan jumystar boıynsha júrgizilgen saraptama - Qylmystyq is júrgizý kodeksiniń jańa ınstıtýttarynyń tıimdiligin kórsetip bergendigin atap ótti.
«Tergeýge deıingi tekserýden jáne qylmystyq is qozǵaý kezeńinen bas tartý nátıjesinde advokat óziniń qorǵaýyndaǵy adamdy is Sotqa deıingi tergep-tekserýdiń biryńǵaı tizilimine engizile salysymen qorǵaýǵa qol jetkizdi. Jábirlenýshiniń quqyǵy tezirek qalpyna keltiriletin boldy. Tergeýge deıingi tekserý barysynda azamattardy qaıta-qaıta shaqyryp, jaýap alý júıesi joıyldy. Bul bıýdjetke tym artyq shyǵyn keltiretin jáne azamattardyń narazylyǵyn týdyratyn», - dedi I. Merkel.
Bas prokýrordyń birinshi orynbasarynyń sózinshe, Sotqa deıingi tergep-tekserýdiń biryńǵaı tizilimin (SDTBT) júrgizýdi avtomattandyrý - is júrgizýdi bastaýdy ońaılatty. Ekinshiden, hat júzindegi aryzdardyń biryńǵaı formatyn engizýge múmkindik berdi. Al bul, jalǵan aryz jazýǵa jol bermeıdi. Óıtkeni, bul úshin qandaı jaýapkershilik qarastyrylǵany birden túsindiriledi. Qazir jalǵan aryz bergendik úshin 10 jylǵa deıin bas bostandyǵynan aıyrý jazasy qarastyrylǵan.
Sondaı-aq, jańa avtomattandyrý júıesi tergeý barysyn onlaın rejiminde baqylaýǵa múmkindik beredi. Tórtinshiden, polıtsııa qyzmetkerleriniń tártiptiligi joǵarylady. Qylmystyq emes sıpattaǵy habarlamalardy tekserý durys jolǵa qoıylǵan.
«Qylmystyq-protsessýaldyq jolmen tekserilgen materıaldar sany 550 myń birlikke, ıaǵnı eki esege deıin qysqartyldy. 2014 jyly - 1,2 mln. materıal, al 2015 jyly - 713 myń materıal tekserilgen bolatyn. ıAǵnı, 2014 jyly qylmystyq nyshandar quramy men oqıǵalardyń joqtyǵyna baılanysty 720 myńdaı bas tartylǵan materıaldar rásimdelip, 32 myń qylmystyq is toqtatyldy. Al 2015 jyly osy negizde 229 myń qylmystyq is toqtatyldy. Osynyń arqasynda basqa qylmystardy ashýǵa jetkilikti ýaqyt jumsalatyn boldy», - dedi I. Merkel.
