Qazaqstanda jańa qundylyqtar áli qalyptasyp bolǵan joq - Mádenı saıasat jáne ónertaný ınstıtýtynyń dırektory
ALMATY. Naýryzdyń 16-sy. QazAqparat /Erlik Erjanuly/ - Búgin Almatyda Nurlan Erimbetovtiń AıtPARK qoǵamdyq-saıası ıntellekýtaldyq klýbynyń kezekti otyrysy ótti,
dep habarlaıdy QazAqparat.
«Mádenıet degen uǵym qazir ekinshi, úshinshi deńgeıge deıin tómendep ketti. Keńes Odaǵy ydyraǵannan keıin Qazaqstanda áli kúnge deıin mádenı qundylyqtar qalyptaspady. Al batys ǵalamdanýdan ábden sharshady. Qazir qazaq mádenıetine jańa qubylnama kerek. Ulttyq mádenıetti nasıhattaý úshin endi shetelge kontserttik ujymdardy emes, ıntellektýaldyq kapıtaldy aparý kerek», deıdi Mádenı saıasat jáne ónertaný ınstıtýtynyń dırektory Erlan Saırov. Saıası ǵylymdar kandıdatynyń aıtýynsha, qazaq qoǵamy aqyl-oı ıelerine kende emes. Tek olardyń óz ortasynan sýyrylyp shyǵýyna búgingi tańda suranys bolmaı tur. Jahandaný dáýirinde óziniń ulttyq mádenı qundylyqtaryn boıyna tolyq sińirgen adam ózgeniń asyly men jasyǵyn aıyra alady. Bul úshin ulttyq mádenıetti ózgelerge nasıhattaý sharasy keshendi túrde júrgizilýi kerek.
