Qazaqstanda jańa Quqyqtyq saıasat tujyrymdamasy ázirlenedi

NUR-SULTAN. QazAqparat – Qazaqstanda 2020-2030 jyldarǵa arnalǵan Quqyqtyq saıasat tujyrymdamasy ázirlenedi. Bul týraly Ádilet mınıstri Marat Beketaev málim etti, dep habarlaıdy QazAqparat tilshisi.

«Ulttyq zańnamanynyń negizgi salalaryn jetildirý aıasynda 2020-2030 jyldarǵa arnalǵan Quqyqtyq saıasat tujyrymdamasyn ázirleý josparlanǵan», - dedi mınıstr onlaın rejımde halyq aldynda esep berý kezinde.

Onyń sózine qaraǵanda, Ákimshilik rásimdik-protsestik kodeks qabyldanǵannan keıin, onyń negizgi erejelerin júzege asyrý men ony qoldanýdyń biryńǵaı tájirıbesin ázirleý maqsatynda atalǵan kodeksti iske asyrý qujaty qabyldanady.

«Memlekettik organdar ınternet-portalynyń bazasyn NQA-nyń etalondy baqylaý bankimen ıntegratsııalaý boıynsha sharalar qabyldandy. Bul óz kezeginde resmı jarıalaýǵa tirkelgen NQA-ny baǵyttaý merzimin 10-nan 1 jumys kúnine deıin qysqartýǵa múmkindik berdi», - dedi M. Beketaev.