Qazaqstanda jańa Konstıtýtsııaǵa baılanysty birqatar zań ázirlenedi
ASTANA. KAZINFORM – Qazaqstanda jańa Konstıtýtsııany iske asyrý aıasynda zańnamany jańartý jumysy bastaldy. Bul týraly Prezıdent Ákimshiligi basshysynyń buıryǵynda kórsetilgen.
Qujatqa sáıkes, aldaǵy ýaqytta birqatar konstıtýtsııalyq zań jobasy ázirlenýi tıis. Atap aıtqanda, «Qazaqstan Respýblıkasynyń Prezıdenti týraly», «Qazaqstan Halyq Keńesi týraly», «Qazaqstan Respýblıkasynyń astanasynyń mártebesi týraly» jáne «Qazaqstan Respýblıkasynyń ákimshilik-aýmaqtyq qurylysy týraly» zań jobalaryn 2026 jylǵy sáýir aıynyń sońyna deıin daıyndaý josparlanyp otyr.
Sonymen qatar Úkimetke, ortalyq jáne jergilikti memlekettik organdarǵa qoldanystaǵy normatıvtik quqyqtyq aktilerdi jańa Konstıtýtsııa talaptaryna sáıkestendirý tapsyryldy. Bul jumys 2026 jylǵy 1 shildege deıin aıaqtalýy tıis.
Budan bólek, Úkimet Konstıtýtsııany keńinen túsindirý jáne nasıhattaý jónindegi jospardy 7 sáýirge deıin bekitýi qajet.
Qujatta qurylymdyq bólimshelerge júktelgen mindetterdiń ýaqtyly ári tolyq oryndalýyn qamtamasyz etý tapsyrylǵan. Aıta keteıik, Úkimette jańa Konstıtýtsııa normalaryn júzege asyrý joldary talqylandy.
