Qazaqstanda jańa kólikterdi satý kólemi 3 paıyzǵa ósti

NUR-SULTAN. QazAqparat – Álemdegi avtomobıl naryǵy kúrdeli qıyndyqtardy bastan keship otyr. Qazirgi kezde jartylaı ótkizgishter tapshylyǵy saldarynan jańa jeńil avtokólikterdi satý ósiminiń qarqyny kúrt baıalap, 2021 jylǵy segiz aıdyń qorytyndysy boıynsha ótken jyldyń osyndaı kezeńimen salystyrǵanda nebári 17,7 paıyzdy quraǵan. Salystyrmaly túrde bıylǵy jyldyń birinshi jartyjyldyǵynyń qorytyndylary boıynsha jyldyq ósim 29,4 paıyz boldy, dep habarlaıdy QazAqparat Energyprom.kz saıtyna silteme jasap.

Bul rette Qazaqstan ótken jyldyń osyndaı kezeńimen salystyrǵanda 2021 jyldyń qańtar-tamyzynda jeńil avtomoblılder men jeńil kommertsııalyq kólikterdi 39 paıyzǵa kóp satty. Salystyrmaly túrde: Reseıde satý nebári 21,3 paıyzǵa, Qytaıda – 20,1 paıyzǵa, Japonııada – 7,9 paıyzǵa, al Germanııada tek 2,5 paıyzǵa artqan. Odan bólek, Ońtústik Koreıada kólik satylymy 3,4 paıyzǵa, al kórshiles Ózbekstand birden 35,7 paıyzǵa qysqarǵan.
Elimizde jańa jeńil avtomobılder men jeńil kommertsııalyq tehnıka satylymy aǵymdaǵy jyldyń segiz aıynda 73,4 myń danany quraǵan. Osyndaı jyldyq ósim ótken jyldardaǵy kórsetkishterden aıtarlyqtaı asyp túsýde: osylaısha, 2020 jyly ósim 21,9 paıyz bolsa, 2019 jyly – 19,6 paıyzdy qurady.

Satý kórsetkishiniń tómendeýi Qazaqstan naryǵyna da kelgen: qyrkúıek aıynda eldiń dılerleri 10,5 myń jeńil kólik pen jeńil kommertsııalyq tehnıkany satqan, bul bir jyl burynǵy kórsetkishten nebári 3,3 paıyz kóp. Qazaqstanda ázirge tek satylym ósimi baıaýlasa, álemde kólik satý kórsektishiniń kúrdeli tómendeýi atap ótilýde. Osylaısha, qyrkúıekte jańa avtomobılderdi satý kórsetkishi ótken jylmen salystyrǵanda birden 20,3 paıyzǵa qysqarǵan. Avtomobıl óndirisine qajetti jartylaı ótkizgishter tapshylyǵynan basqa, búkil álemde jańa kólikter satylymynyń azaıýyna birqatar faktorlar áser etýde, bul logıstıkalyq problemalar, Ulybrıtanııa men Qytaıdaǵy energetıkalyq daǵdarys, shıkizat baǵasynyń ósýi.