Qazaqstanda jańa kólik minetinder sany artty
NUR-SULTAN. QazAqparat – Qazaqstanda jańa kólik minetinder sany artty. QazAparat bul týraly QR Strategııalyq josparlaý jáne reformalar agenttigi Ulttyq statıstıka bıýrosyna silteme jasap habarlaıdy.
Statıstıkalyq málimetke sáıkes, bıylǵy qańtar-qazanda elimizde 650 298 jeńil avtomobıl tirkelgen. Bul, ótken jylǵy tıisti kezeńmen salystyrǵanda 12,8% kem.
2020 jylǵy 1 qarashadaǵy jaǵdaı boıynsha, Qazaqstan Respýblıkasynda tirkelgen jeńil avtomobılderdiń jalpy sany 3895,8 myń birlikti quraıdy.
2019 jyldyń qańtar-qazanynda zaýyttan shyqqanyna 3 jyldan aspaǵan 73 371 kólik tirkelgen bolsa, bıyl 98 104-ti quraǵan. Sondaı-aq bıyl qurastyrylǵanyna 3-7 jyl bolǵan 99 702 mashına tirkelgen. Byltyrǵy kórsetkish – 143 895. 2020 jyldyń qańtar-qazanynda 7-10 jyl aralyǵyndaǵy 58 961 avtomobıl tirkelgen, 2019 jyly – 40 156. Bıyl qurastyrylǵanyna 10 jyldan asqan 393 518 kólik tirkeýge alynǵan, ótken jyly - 479 673.
Sonymen qatar Ulttyq statıstıka bıýrosynyń aqparatyna súıensek, bıylǵy qańtar-qazanda el aýmaǵynda 10 408 jol-kólik oqıǵasy tirkelgen. Saldarynan 15 123 adam zardap shekti. Ótken jylmen salystyrǵanda apattylyq 22,3% azaıǵan.
«Budan bólek, 2020 jylǵy 1 qarashadaǵy jaǵdaı boıynsha kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha saqtandyrý uıymdary 23,4 mlrd teńge somasynda 55994 saqtandyrý tólemin júzege asyrdy», - delingen vedomstvo aqparatynda.
