Qazaqstanda jańa QІJK qabyldanǵannan keıin aıyppul jınaý kólemi artady - QR Bas prokýratýrasy

Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bas prokýrorynyń birinshi orynbasary Iogan Merkel málim etti.

Onyń atap ótýinshe, jańa Qylmystyq kodeks jobasynda túzeý jumystaryn oryndaý tártibi ózgeriske ushyraǵan. Al bul saladaǵy qazirgi ahýalǵa saı sottalýshyǵa jalaqynyń 20 paıyzy kóleminde túzeý jumystary taǵaıyndalady.

«Naryqtyq ekonomıka jaǵdaıynda kez kelgen kásipker ózine 500 teńge kóleminde jalaqy belgilep, atalǵan somadan 20 paıyz tóleıdi. Mundaı jaıt bolmaýy úshin biz naqty soma belgiledik. Máselen, 2 jyl ishinde ol 1000, 500 jalaqynyń mınımaldy eseptik kórsetkishin tóleýi tıis. Osylaısha, sottalýshynyń tóleýden jaltarýyna tosqaýyl qoıylady. Aıyppul tóleýden ne bolmasa túzeý jumystarynan jaltarý bas bostandyǵynan aıyrý jazasyna almastyrylýy múmkin ekendigin eskere otyryp, biz onyń shynaıy oryndalýynyń ósimi bolatyndyǵyn kútýdemiz», - dedi ol.