Qazaqstanda jańa kásipter atlasy ázirlenip jatyr
«Dúnıejúzilik bank jobasy aıasynda jańa kásipter atlasyn jasap jatyrmyz. 4 jyldan beri osy joba aıasynda birlesip jumys isteýdemiz. Al ótken jyldan beri jańa kásipter atlasymen aınalysý ústindemiz. Ony taý-ken metallýrgııa, munaı-gaz, aýyl sharýashylyǵy, kólik pen logıstıka, mashına jasaý, aqparattyq-kommýnıkatsııalyq tehnologııalar, energetıka, týrızm jáne qurylys syndy 9 salada ázirleımiz», - dedi mınıstr Ortalyq kommýnıkatsııalar qyzmetindegi brıfıng barysynda.
Sonymen qatar ol bul jumystar qazirgi ýaqytta qandaı satyǵa jetkendigin aıtyp berdi.
«Búgingi kúni taý-ken metallýrgııa salasy boıynsha kásipter atlasyn ázirleýdi aıaqtadyq. 9 joıylyp bara jatqan, 10 ózgeriske ushyraıtyn jáne 22 jańa kásipti aıqyndap aldyq», - dedi Birjan Nurymbetov.
