Qazaqstanda jańa fýtbol klýby quryldy
NUR-SULTAN. QazAqparat - Qazaqstanda «SD Family» atty jańa klýb quryldy, dep habarlaıdy QazAqparat.
Klýbty burynǵy fýtbolshy Dıdar Sydyqbek qurdy. Ol kásibı fýtbolda «Ordabasy» jáne «Aktobe» komandalarynyń namysyn qorǵaǵan. Sondaı-aq, «Qyzyljar SK», «Astana-1964», «Báıterek» klýbtarynyń jeıdesin kıgen.
«Endi biz kásipqoı fýtbol klýbymyz. Men baqyttan jylap otyrmyn. Bul - istiń basy ǵana ekenin túsinemin. Biraq men qoryqpaımyn. Sebebi burynǵydaı jalǵyz emespin», - dep jazdy D.Sydyqbek Instagram-da.
«SD Family» klýby ekinshi lıgada oıyn kórsetedi. Bıyl onda 21 klýb tartysqa túsedi. Olardyń kóbisi Premer-lıgadaǵy komandalardyń farm-klýbtary sanalady. Bıyl atalǵan ujymdar qataryna «Igilik» (Qarataý qalasy, Jambyl oblysy), «Temirlan» (Ordabasy aýdany, Túrkistan oblysy), «Astana», SDıÝSShOR №8, «Qyzyljar SK», «Kaspıı» klýbtarynyń jastar quramasy qosyldy. Byltyr aldyńǵy oryndardan kóringen SDıÝSShOR №8 jáne «Arys» klýbtary endi birinshi lıgada baq synaıdy.
