Qazaqstanda jańa dástúrli mýzyka festıvali kórermenge jol tartty
«Nur Otan» partııasy «Rýhanı jańǵyrý» baǵdarlamasy aıasynda taǵy bir tyń bastamany qolǵa aldy. Bıyl elimizdiń barlyq aımaǵynda «Uly dalanyń kóne saryndary» atty dástúrli mýzyka festıvali ótkizilip, ulttyq ónerimiz ulyqtalady. Alǵashqy tusaýkeser kontsert keshe qasıetti Semeı qalasynda uıymdastyryldy. Partııamyzdyń 20 jyldyǵyna oraı ótkizilip otyrǵan bul aýqymdy sharanyń Semeı jerinen bastaý alýy da tegin emes. Óıtkeni, hakim Abaı týyp-ósken topyraqtyń qazaq ónerindegi alar orny erekshe», - dep jazdy partııa tóraǵasynyń orynbasary.
Onyń aıtýynsha, Elbasy «Uly dalanyń jeti qyry» atty maqalasynda tarıhı sanany jańǵyrtýda dala folklory men mýzykasynyń alar orny erekshe ekenine nazar aýdardy. Osy turǵyda qazaqtyń án, kúı, jyr, terme sııaqty asyl qundylyqtaryn keńinen dáripteıtin festıvaldiń bereri mol.
«Atalǵan bastama arqyly Arqa, Altaı, Jetisý, Qarataý, Syr jáne Batys óner mektepterin túgel qamtýǵa tyrystyq. Soǵan sáıkes ónerpazdar qataryna Erlan Rysqalı, Sholpan Darjanova, Gúlmıra Sarına, Almas Nurmuhanuly, Batyrjan Myqtybaev, Jáken Omarov sııaqty naǵyz óner maıtalmandary qosylyp otyr. Olardan bólek, jergilikti jas talanttarǵa da múmkindik beriledi. Mundaǵy maqsat - óńirlerde dástúrli ónerdi dáriptep júrgen jastarǵa qoldaý kórsetip, olardyń respýblıkalyq, halyqaralyq deńgeıge kóterilýine partııa tarapynan yqpal etý», - dedi M.Áshimbaev.
Sonymen qatar, festıval arqyly óskeleń urpaqqa rýhanı tálim berip, jastardyń boıynda patrıottyq rýh qalyptastyrý da kózdelip otyr. Elimizdiń barlyq óńirin qamtıtyn festıval aldaǵy aqpan aıynda SQO men Pavlodar oblysynda uıymdastyrylmaq. Festıval kontserti «Astana» telearnasynan kórsetiledi.
