Qazaqstanda jańa baspana qymbattady
NUR-SULTAN. QazAqparat - Qazaqstanda 2019 jyldyń maýsym aıynda jańa baspananyń sharshy metriniń baǵasy orta eseppen 282 myń 530 teńgeni qurap, ótken aıdaǵy kórsetkishten 0,1%-ǵa artty. Baspana baǵasy 2018 jyldyń jeltoqsanymen salystyrǵanda 2,4%-ǵa, byltyrǵy qańtar-maýsym aılarymen salystyrǵanda 3,1% ósken. Bul týraly QazAqparat QR Ulttyq ekonomıka mınıstrliginiń Statıstıka komıtetine silteme jasap habarlaıdy.
Qaıta satylatyn abattandyrylǵan baspananyń 1 sharshy metri maýsym aıynda ortasha 193 myń 188 teńge (mamyr aıymen salystyrǵanda 0,5%, 2018 jyldyń jeltoqsanymen salystyrǵanda 2,4%, 2019 jyldyń qańtar-mamyr aılarynda byltyrǵy jyldyń osy kezeńimen salystyrǵanda 2,9% ósken), abattandyrylmaǵan baspana quny 120 myń 419 teńge (+0,6%, +1,8% jáne +2,9%) boldy.
Jalǵa beriletin abattandyrylǵan baspananyń 1 sharshy metriniń baǵasy ótken aıda ortasha 1 436 teńgeni qurady (+0,3%, +2,6% jáne +7,5%).
