Qazaqstanda jańa avtokólikti onlaın tirkeýge bolady

NUR-SULTAN. QazAqparat - Qazaqstanda jańadan alynǵan avtokólikti onlaın rejımde tirkeýge bolady. Bul týraly QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Abylaıhan Ospanov aıtyp berdi, dep habarlaıdy QazAqparat tilshisi.

«Elimizdegi tótenshe jaǵdaı rejıminde Eńbek mınıstrligimen ǵana jumys istep otyrǵan joqpyz. Jaqynda ǵana 42500 qyzmeti jedel túrde iske qosylǵanyn bilesizder. Jaqyn arada Іshki ister mınıstrligimen birlesip, tanymal qyzmetterdiń biri - avtokólik tirkeýdi onlaın rejımge aýystyrýdy josparlap otyrmyz. Munda avtosalonnan alynyp jatqan kólikti aıtyp otyrmyz. Qoldanystaǵy avtokólikti satqyńyz kelse, «Elektrondy úkimet» portalynda nemese eGov mobile mobıldi qosymshasynda qujat rásimdeýge bolady», - dedi vıtse-mınıstr ortalyq kommýnıkatsııalar qyzmetinde.

Buǵan deıin A. Ospanov 1414 biryńǵaı baılanys ortalyǵy qyzmetkerleriniń 200-den 2000-ǵa deıin kóbeıgenin habarlaǵan edi.