Qazaqstanda jańa arnaıy salyq rejımi qoldanylatyn qyzmet túrleriniń tizbesi anyqtaldy
«Bıznesti qoldaý úshin ótken jyly 700 myńnan asa zańdy tulǵalar men jeke kásipkerlerge aýqymdy salyqtyq yntalandyrý sharalary kórsetildi. Qazirgi kezde mıkro jáne shaǵyn bıznes sýbektilerin tekserýge 3 jyldyq moratorıı jalǵasyp jatyr jáne arnaıy salyq rejımderin qoldanatyn shaǵyn jáne orta bıznes sýbektileri tabys salyǵynan bosatyldy», - dedi ol.
Úkimet basshysynyń aıtýynsha, bul sharalar kásipkerlerdiń 3 jylda shamamen 400 mlrd teńgeni óz bıznesin keńeıtý men damytýǵa jumsaýyna múmkindik beredi.
«Buǵan qosa, Memleket basshysy Qasym-Jomart Kemeluly Toqaevtyń tapsyrmasy boıynsha osy jylǵy 1 qańtardan bastap erikti túrde qoldanylatyn, jańa arnaıy salyq rejımi – bólshek salyq engizildi. Salyq mólsherlemesi tabystyń 3 paıyzy mólsherinde belgilendi. Úkimet bul rejım qoldanylatyn qyzmet túrleriniń tizbesin anyqtady. Tizbege pandemııa kezinde karantındik shekteý sharalary qoldanylǵan qyzmetter engizildi», - dedi Asqar Mamın.
Premer-Mınıstr atalǵan rejım shaǵyn jáne orta bıznes sýbektileriniń salyq júktemesin azaıtý jáne salyqtar men tólemderdi bıýdjetke tóleý tártibin ońtaılandyrý maqsatynda daǵdarysqa qarsy shara retinde 2 jylǵa eseptelgenin aıtty.
«Sonymen qatar, jeke tulǵalardyń salyq mindettemelerin oryndaýyn jeńildetý úshin bıyldan bastap múlik jáne jer salyqtary bir tólemge biriktirildi, kóppáterli úılerdiń ıelerine jer salyǵy salynbaıdy. Múddeli memlekettik organdarmen birge olardy iske asyrý boıynsha úılesimdi jumysty jalǵastyrý kerek», - dedi Úkimet basshysy.
