Qazaqstanda jańa apta jaıly aýa raıymen bastalady
ASTANA. KAZINFORM — «Qazgıdromet» RMQ 22–24 qyrkúıekke arnalǵan aýa raıy boljamyn jarııalady.
Sınoptıkterdiń boljamynsha, jańa aptanyń basynda Qazaqstan aýmaǵynda atmosferalyq fronttardyń ótýine baılanysty naızaǵaımen birge jańbyr jaýady dep boljanady. Bul rette aýa temperatýrasy jyldyń osy kezeńine tán jaıly deńgeıde bolady. Respýblıka boıynsha jeldiń kúsheıýi kútiledi. Túngi jáne tańǵy saǵattarda keı jerlerde tuman boljanady.
Kúndiz aýa temperatýrasy elimizdiń batysynda +25…+32°S, soltústik-batysynda +20…+31°S, soltústiginde jáne ortalyq óńirlerinde +18…+27°S, shyǵysynda +13…+23°S, ońtústigi men ońtústik-shyǵysynda +25…+32°S-qa deıin kóteriledi.
Buǵan deıin búgin Almatyda naızaǵaı, soltústik pen batysta tuman bolatynyn jazdyq.
