Qazaqstanda jańa akademııa qurylady
QR Qorǵanys jáne aeroǵarysh ónerkásibi vıtse-mınıstri Tımýr Sháımergenovtyń aıtýynsha, jańa akademııada kıberqaýipsizdikke úıretedi. Osyǵan oraı, álemniń jetekshi kompanııalarymen áriptestik baılanys ornatý sharalary atqarylýda.
«Qazirgi kezde biz kıberqaýipsizdik akademııasyn qurý boıynsha uıymdastyrý-quqyqtyq máselelerdi zerdelep jatyrmyz. Osy jumysqa myqty kompanııalar tartylady. Olardyń ishinde Túrkııa, Izraıl jáne Reseı kompanııalary bar. Akademııa memlekettik-jekemenshik seriktestik negizinde jumys isteıtin bolady», - dedi T.Sháımergenov QR Parlament Senatynda ótken jıynda.
Onyń aıtýynsha, bıyl ónerkásiptik kıberqaýipsizdik boıynsha ulttyq ortalyq qurylǵan bolatyn. Atalǵan qurylym Transtelecom-men birlesip jasaldy. Onyń negizgi maqsaty - strategııalyq mańyzy bar nysandardyń kıberqaýipsizdigin qamtamasyz etý.
«Dál osy ortalyqtyń negizinde kıberqaýipsizdik akademııasy da jumys isteıtin bolady. Sol jerde jekemenshik jáne kvazımemlekettik salalar úshin kásibı kıberqaýipsizdik mamandaryn daıarlaýǵa bolady», - dep atap kórsetti T.Sháımergenov.
