Qazaqstanda jalpy maqsattaǵy avıatsııa eksplýatanttary jospardan tys tekseriledi

ASTANA. KAZINFORM - «Qazaqstannyń avıatsııalyq ákimshiligi» AQ 2025 jylǵy 22 maýsym men 17 tamyzda oryn alǵan avıatsııalyq oqıǵalarǵa tikeleı qatysy bar áýe kemeleri paıdalanýshylarynyń jumysyn toqtatty, dep habarlaıdy Kólik mınıstrliginiń baspasóz qyzmeti.

Ushý qaýipsizdigin arttyrý maqsatynda Astana, Almaty jáne Qaraǵandy qalalarynda jalpy maqsattaǵy avıatsııa eksplýatanttarynyń 49 áýe kemesi jospardan tys tekseriledi.

Sondaı-aq jeńil jáne asa jeńil áýe kemeleriniń ushý jaramdylyǵyn baǵalaıtyn uıymdardyń qyzmeti de tekseriledi.

Osyǵan deıin Qazaqstanda aqyly avtojoldardy tegin paıdalanatyn kólik sanattary belgili bolǵany týraly jazdyq.