Qazaqstanda jalǵan banknottar sany 38%-ǵa azaıdy

ALMATY. QazAqparat - Qazaqstanda 2020 jyly jalǵan aqshalar kólemi 38%-ǵa azaıdy jáne 823 jalǵan banknot pen monetany qurady. Bul týraly Ulttyq banktiń banknottar men monetalarǵa saraptama jasaý basqarmasynyń basshysy Ashat Ábishev málim etti, dep habarlaıdy QazAqparat tilshisi.

«Tómendeýge áser etken negizgi sebep – qazirgi karantındik sharalar men shekteýler, óıtkeni qoldan aqsha jasaıtyndar ádette jalǵan aqshany bazarlarda, janarmaı quıý beketterinde jáne shaǵyn azyq-túlik dúkenderinde ótkizip jiberedi. Qoldan kóp jasalatyn aqshaǵa 2 000 jáne 5 000 teńgelik banknottar jatady – sáıkesinshe, jalpy kólemniń 42,5% jáne 37,6%»,- dedi Ulttyq bank ókili.

Jalǵan banknottardyń basym bóligi Almaty qalasynda anyqtaldy – 554 nemese 67,3%7.

Aıta keteıik, Qazaqstan Ulttyq bankiniń jalǵan banknottary men monetalaryn ótkizý maqsatynda daıyndaý nemese saqtaý, múlkin tárkileýmen nemese 5 jyldan 12 jylǵa deıingi merzimge bas bostandyǵynan aıyrylýymen jazalanady.