Qazaqstanda jaldamaly jumysshylardyń jalaqysy artyp keledi

NUR-SULTAN. QazAqparat - Qazaqstanda jaldamaly jumysshylardyń jalaqysy artyp keledi Bul týraly búgin XII AEF aıasyndaǵy Halyqaralyq eńbek uıymynyń 100 jyldyǵyna arnalǵan konferentsııada Eńbek jáne halyqty áleýmettik qorǵaý mınıstri Berdibek Saparbaev aıtty, dep habarlaıdy QazAqparat tilshisi.

Qazaqstan Dúnıejúzilik ekonomıkalyq forýmnyń Jahandyq básekege qabilettilik ındeksi reıtınginde eńbek qatynastarynyń jaı-kúıin sıpattaıtyn komponent boıynsha 2018 jyly 140 eldiń ishinen 30-orynǵa kóterilgen.

«Eńbek qatynastyryn retteý boıynsha qazaqstandyq model jumyskerler men jumys berýshiler múddeleriniń teńgerimi, áleýmettik dıalog negizinde damyp keledi. Jaldamaly jumyskerlerdiń tabystary artýda», - dedi ol.

Mınıstr dereginshe, ótken jylmen salystarǵanda ortasha ataýly aılyq 7,5 paıyzǵa artty. Elbasynyń tapsyrmasy boınysha 2019 jyldyń 1 qańtarynan bastap Qazaqstanda eń tómen jalaqy 1,5 ese kóterildi.

2018 jyly jumys berýshiler túrli kvotalar men ótemaqylarǵa 116,3 mlrd teńge bóldi. Bul 2017 jylmen salystyrǵanda 8 paıyzǵa artyq.

«Sonymen qatar qazirgi ýaqytta eńbek qatynastary júıesi ózgerýde, jumyspen qamtýdyń jańa túrleri paıda bolýda», - dedi B.Saparbaev.