Qazaqstanda jalaqyny óndirip alýǵa baılanysty problemalar joq - B. Ábdiraıym

ASTANA. QazAqparat - Qazaqstanda jalaqyny óndirip alýǵa baılanysty problemalar joq. Bul týraly búgin Ortalyq kommýnıkatsııalar qyzmetindegi brıfıngte QR Ádilet vıtse-mınıstri Baqytjan Ábdiraıym málim etti.

«Qazaqstanda jalaqyny óndirip alýǵa baılanysty problemalar joq dep aıta alamyz. Eger olar kásiporynnyń bankrotqa ushyraýymen nemese óndiristik qyzmetke qatysty týyndap jatsa, onda ádilettiń aýmaqtyq organdary prokýratýra organdarymen, jergilikti atqarýshy bılikpen birlese bul máseleni jedel sheship júr», - dedi mınıstrdiń orynbasary.

Onyń sózine qaraǵanda, jumys berýshilerden qyzmetker úshin eńbekaqyny óndirip alý jaǵdaıy Ádilet mınıstriniń baqylaýynda tur. Osy oraıda apta saıyn tıisti monıtorıng júrgizilýde.