Qazaqstanda jalaqyǵa qatysty jalpy qaryz úsh esege azaıdy

ASTANA. 21 jeltoqsan. QazAqparat Elimizde jalaqy bereshegi boıynsha jalpy qaryz úsh esege deıin azaıdy.

 Bul týraly búgin aǵymdaǵy jyldy qorytyndylaýǵa arnalǵan keńeıtilgen alqa otyrysynda QR Bas Prokýrory Ashat Daýylbaev málim etti.

 «Prokýratýra organdarynyń udaıy baqylaýynda azamattardyń eńbek quqyqtaryn qorǵaý máselesi tur. Osy baǵytta atqarylǵan sharalardyń nátıjesinde jyl basynan beri prokýrorlar elimizdegi 131 myńǵa tarta jumysshynyń jalpy somasy 7,7 mıllıard teńge bolatyn jalaqy boıynsha qaryzdaryn óteýdi qamtamasyz etti.  Nátıjesinde jalaqy boıynsha jalpy qaryz úsh esege kemip, 4,6 mlrd. teńgeden 1,6 mlrd. teńgege deıin azaıdy», - dedi A.Daýylbaev.