Qazaqstanda jaǵylǵan gaz tarıfin jańa normatıv arqyly esepteý usynyldy

ASTANA. QazAqparat – Qazaqstanda gaz tutynýdyń «áleýmettik mınımýmy» normatıvin engizý kerek. Bul týraly «QazaqGaz» UK» AQ basqarma tóraǵasynyń marketıng jónindegi orynbasary Arman Qasenov aıtty, dep habarlaıdy QazAqparat tilshisi.

Osy oraıda ol jaǵylǵan gaz kólemi tıisti lımıtten asqan jaǵdaıda turǵyndar úshin tólem somasy da ósetinin aıtty.

«Atap aıtqanda, qolda bar resýrstardy durys bólý kerek. Máselen, soltústik óńirlerde kúzgi-qysqy kezeń toǵyz aıǵa jýyq jalǵasady. Osy oraıda bir úıdegi qazandyq shamamen 500-1000 tekshe metr gaz jaǵady. Al, ońtústik jáne batys aımaqtarda bir úı gazdy úsh ese kóp jaǵady. Bul turǵyda osy úılerdiń janynda qandaı da bir bıznes bar ekenin, ıaǵnı qonaqúı, dúken jáne basqa da nysandar iske qosylǵanyn bildiredi. Biz «áleýmettik mınımým» engizgimiz keledi. Jeke turǵyn úı bolsa, ondaǵy konforkany, gaz peshin, qazandyqty bir normatıvke qamtımyz. Eger gaz jaǵý kólemi osy ortasha normatıvten artyq bolsa, bul rette tólem basqasha esepteledi. Osy tektes talaptar álemniń biraz elinde eskerilgen», - dedi A. Qasenov elordada ótken qoǵamdyq keńes otrysynda.

Budan buryn habarlanǵandaı, QazaqGaz iri kommertsııalyq uıymdar men maınerlerge gazdy qymbat baǵamen berýdi surady.