Qazaqstanda zeınetaqy reformasyn jasaǵan Dáýlet Sembaev dúnıeden ozdy

ALMATY. QazAqparat- Egemen Qazaqstannyń alǵashqy banknotynda qoltańbasy bar tulǵa búgin túnde 87 jasqa qaraǵan shaǵynda dúnıeden ótti, dep habarlaıdy QazAqparat tilshisi.

Tanymal qazaqstandyq qarjyger, metallýrg jáne saıasatker Dáýlet Sembaev qaıtys boldy.

Qaraly habardy QR Ulttyq banki rastady.

Ol 1935 jyly 10 tamyzda Almatyda dúnıege keldi.

Toqsanynshy jyldary Dáýlet Sembaev Ulttyq bank tóraǵasy, premer-mınıstrdiń orynbasary qyzmetterin atqardy.

Dáýlet Sembaev - Qazaqstan Prezıdentiniń alǵashqy ekonomıkalyq baǵdarlamasynyń qos avtorlarynyń biri.

Sondaı-aq, Qazaqstandaǵy ulttyq valıýtany engizýge qatysqan. Eldegi qazirgi bank júıesin qalyptastyrýdyń basy-qasynda boldy.

1958 jyly Qazaq taý-ken metallýrgııa ınstıtýtyn ınjener-metallýrg mamandyǵy boıynsha bitirgen.

Osy jyldar ishinde premer-mınıstrdiń orynbasary, 1993-1996 jyldary - Ulttyq bank tóraǵasy, Senat depýtaty boldy. 2009 jyldyń jeltoqsan aıynan bastap Halyqaralyq bıznes akademııasynyń Qamqorshylyq keńesiniń múshesi boldy.

Oraz Jandosov, Grıgorıı Marchenko jáne basqa da elimizdiń kórnekti qarjygerleri ózderin sol kisiniń shákirti sanaıdy.

Dáýlet Hamıtuly «Qurmet belgisi» (1976), Eńbek Qyzyl Tý (1981), «Parasat» (1996) ordenderimen jáne KSRO-nyń eki medalimen marapattalǵan.