Qazaqstanda zeınetaqy jınaǵyn erte sheship alý toqtatylýy múmkin

ASTANA. KAZINFORM – Elimizde keıbir sarapshylar zeınetaqy qoryndaǵy jınaqty erte sheship alýdy toqtatýdy usyndy. Osyǵan oraı Eńbek jáne halyqty áleýmettik qoldaý mınıstri Svetlana Jaqypova pikir bildirdi.

«Bazalyq zeınetaqy tólemin basqasha esepteý tásilimen kelisemiz. Bizdiń usynys, zeınetaqy eń tómengi eńbekaqynyń 60%-n quraýy kerek. Ekinshi, ol sarapshylardyń usynysy, ıaǵnı zeınetaqy qorynan jınaqty erte sheship alýdy toqtatý, biz bunymen de kelisemiz. Qazir kórip otyrǵanymyzdaı, erte sheship alǵandardyń zeınetaqysy 34 myń teńgeden aspaıdy, sondyqtan ony doǵarý kerek», - dedi Svetlana Jaqypova Úkimet úıi qabyrǵasynda BAQ ókilderiniń saýalyna jaýap bere turyp.

Mınıstrdiń málimdeýinshe, 3 trln teńgeden astam qarajat zeınetaqy qorynan erte sheshilip alynǵan.

«Bylaı qarasaq, 1,5 mln adam zeınetaqy tólemderimen qamtyldy, 3 trln teńgeden astam qarjy zeınetaqy qorynan shyǵaryldy. Ol qarjyǵa adamdar úı jaǵdaılaryn jaqsartty, densaýlyǵyn emdedi. Sondyqtan beker jumsaldy deýge bolmaıdy», - deıdi ol.

Aıta ketsek, búginde elimizdegi ortasha zeınetaqy — 132 myń teńge.