Qazaqstanda zeınet jasyndaǵy volonterler kóbeıip keledi
ASTANA. KAZINFORM – Qazaqstanda sońǵy ýaqytta zeınet aldyndaǵy jáne zeınet jasyndaǵy volonterler sany artyp keledi. Bul týraly «Ulttyq eriktiler jelisi» ZTB atqarýshy dırektory Tatıana Mıronıýk aıtyp berdi.
«Sońǵy ýaqytta volonterlikke qyzyǵýshylyq tanytqan zeınet aldyndaǵy jáne zeınet jasyndaǵy eresekter sany artyp keledi. Bul kórsetkish bizdiń osy baǵytqa qarajat bólýimizge baılanysty da artyp keledi. Olar halyqaralyq qoǵamdastyqta kúmis eriktiler dep atalady jáne kúnnen-kúnge áleýmettik ortaǵa kóbirek aralasyp keledi», - dedi Tatıana Mıronıýk Qazmedıa ortalyǵynda Mádenıet jáne aqparat mınıstrliginiń alqa otyrysynda.
Spıkerdiń aıtýynsha, elimizde granttyq qarajat pen memlekettik áleýmettik tapsyrystardy bólýmen baılanysty bastamashyl toptardyń sany artyp keledi.
«Negizgi qyzmetinde volonterlikke basymdyq beretin volonterlik birlestikter men uıymdardyń úlken ósimi baıqalýda. Іs-sharany bir ret uıymdastyryp, tarap ketetin bastamashyldar emes, turaqty volonterlik qyzmet kóbeıýde. Bul jyl saıyn ósip kele jatqan eriktiniń ekonomıkalyq úlesine de áser etedi», - deıdi T. Mıronıýk.
Eske sala ketsek, 2024 jyl TMD-da «Volonterlik qozǵalys jyly» bolyp jarııalandy.
