Qazaqstanda zańsyz eńbek mıgranttarynyń sany azaımaı tur - A. Sarbasov
ASTANA. QazAqparat - Qazaqstanǵa kelgen zańsyz eńbek mıgranttarynyń sany azaıatyn emes. Bul týraly búgin Astanada kóshi-qon máselesine arnalǵan dóńgelek ústelde Qazaqstan Respýblıkasynyń bas memlekettik eńbek ınspektory Aqmádı Sarbasov málim etti.
Onyń sózine qaraǵanda, zańsyz eńbek mıgranttary eńbek shartynsyz jumys isteı otyryp, tómen jalaqy alady. Bul Qazaqstannyń eńbek naryǵynda teris básekelestikti týdyrady.
«Qabyldanǵan sharalarǵa qaramastan, tirkelmegen shetel mıgranttarynyń sany, onyń ishinde jeke adamdarda jumys istep júrgender azaımaı tur»,-dep toqtaldy A. Sarbasov.
Onyń aıtýynsha, 2014 jylmen salystyrǵanda 2015 jyly jasyryn mıgranttardy anyqtaý deńgeıinde ósim bar. Osy oraıda 100 myńnan astam zańbuzýshylar belgili boldy.
Al sarapshylardyń paıymynsha, orta merzimdi perspektıvada syrtqy eńbek kóshi-qońynyń ary qaraı ósimi oryn alýy yqtımal.
