Qazaqstanda zańgerlerdiń kásibı merekesin atap ótý usynyldy
ASTANA. 16 mamyr. QazAqparat - Qazaqstan gýmanıtarlyq-zań ýnıversıtetiniń prezıdenti Maqsut Nárikbaev Qazaqstanda zańgerlerdiń kásibı merekesin taǵaıyndaýdy usyndy.
Búgin Astanadaǵy Táýelsizdik saraıynda ótip jatqan Zańgerlerdiń І respýblıkalyq sezinde M. Nárikbaev osyndaı pikirin bildirdi.
Onyń sózine qaraǵanda, Zańger kúni Reseıde 3 jeltoqsanda atap ótiletin kórinedi. Onyń paıymdaýynsha, elimizdiń qoǵamdyq ómirinde zańgerlerdiń róli men mańyzyn eskere otyryp, osyndaı kásibı merekeni belgilep, atap ótý kerek.
Aıta keteıik, búgingi sezde Qazaqstandyq zańgerlerdiń jańa qoǵamdastyǵyn qurý usynysy jasaldy. Ádilet mınıstri Berik Imashevtiń pikirinshe, atalǵan qoǵamdastyqta tájirıbe júzinde qyzmet jasap júrgen zańgerlerdi, sondaı-aq Sot odaǵy, Advokattar odaǵy jáne Respýblıkalyq notarıaldyq palata sekildi qoǵamdyq birlestikterdi biriktirýge bolady.
