Qazaqstanda zańdy tulǵalarǵa memlekettik organdardyń ataýlaryn paıdalanýǵa tyıym salyndy
ASTANA. KAZINFORM – Ádilet mınıstri zańdy tulǵalardy memlekettik tirkeý jáne fılıaldar men ókildikterdi eseptik tirkeý salasyndaǵy memlekettik qyzmetterdi kórsetý qaǵıdalaryna ózgerister engizdi.
Jańa ózgeristerge sáıkes, memlekettik organ, memlekettik mekeme nemese kvazımemlekettik sektor sýbektisi bolyp tabylmaıtyn zańdy tulǵalardy tirkeý kezinde olardyń ataýynda:
– Qazaqstan Respýblıkasynyń memlekettik organdarynyń, memlekettik mekemeleriniń jáne kvazımemlekettik sektor sýbektileriniń resmı ataýlaryn;
– memlekettik organdardyń, memlekettik mekemelerdiń jáne kvazımemlekettik sektor sýbektileriniń ataýlaryna uqsas qysqartýlardy, abbrevıatýralardy, týyndy sózderdi jáne shatastyrýǵa ákeletin ózge de belgilerdi qoldanýǵa jol berilmeıdi.
Qujat 2026 jylǵy 2 maýsymnan bastap qoldanysqa engiziledi.
Aıta keteıik, memlekettiń qatysýynsyz qurylǵan akademııalardyń ataýlarynda «ulttyq» sózi bolmaýy kerek.
