Qazaqstanda zań buzǵan jer qoınaýyn paıdalanýshylardan 61 lıtsenzııa qaıtaryp alyndy
ASTANA. KAZINFORM – Úkimet Prezıdent Joldaýynda aıtylǵan «Zań men tártip» qaǵıdatyn júzege asyra otyryp, jer qoınaýyn paıdalaný salasyndaǵy kelisimsharttyq mindettemelerdiń oryndalýyn baqylaýdy kúsheıtýde.
Monıtorıng nátıjesinde josyqsyz paıdalanýshylarǵa qatysty qatań sharalar qabyldandy: 37 kelisimshart buzylyp, 61 lıtsenzııanyń kúshi joıyldy.
Júrgizilgen tekserýlerdiń qorytyndysy boıynsha zań buzǵan kompanııalarǵa jalpy somasy 910 mln teńge bolatyn turaqsyzdyq aıyppuly salyndy. Sonymen birge Іshki ister mınıstrligi men Ulttyq qaýipsizdik komıtetimen birlesip, elimizdiń tórt óńirinde paıdaly qazbalardy zańsyz óndirýdiń joly kesildi.
- Bul jumys júıeli sıpatqa ıe. Úshinshi toqsanda buzýshylyqtar týraly taǵy 350 habarlama joldaý jáne 65 kóshpeli tekserý júrgizý josparlanyp otyr, – delingen vedomstvo málimetinde.
Saladaǵy tártipti qalpyna keltirý rásimderdiń ashyqtyǵyn arttyrýmen qatar júrgizilýde. 41 jer qoınaýy ýchaskesi boıynsha ótken úsh elektrondy aýktsıon bıýdjetke qol qoıý bonýstary retinde 27,8 mlrd teńge túsirdi. Sonymen qatar zańnamalardy jetildirý jáne protsesterdi tsıfrlandyrý jumystary jalǵasýda.
Aıta keteıik, bıyl jer qoınaýyn paıdalanýshylarmen 901 mlrd teńgege 551 kelisimshart jasaldy.