Qazaqstanda zamanaýı deńgeıdegi týrıstik ónimder joqqa tán - Májilis depýtaty
ASTANA. QazAqparat - Qazaqstannyń geografııalyq bet-bederi kez kelgen sheteldik meımandy tamsandyrǵanymen, elimizdegi ishki týrızmniń ahýaly máz emes.
Іshki týrızmniń ótkir máselelerine qatysty QR Parlament Májilisiniń depýtaty Pavel Kazantsev pikirin bildirdi, dep habarlaıdy «QazAqparat» HAA tilshisi.
«Týrızmge qatysty máselelerdi tórt segmentte jiktep aldyq. Búgingi jıynda memlekettik organdar men sarapshylar birlestigin sóıletkimiz keledi. Eń basty máselelerdiń biri - zamanaýı deńgeıdegi týrıstik ónimderdiń joqtyǵy. Bul rette bizdiń týrıstik ahýal óte aıanyshty jaǵdaıda. Buǵan qosa ınfraqurylymnyń jaǵdaıy máz emes. Bir ǵana mysal - bizde joldyń boıynda dárethanalar joq. Qonaqtardy qabyldaıtyn nysandarǵa jóndeý júrgizilmegen. Úshinshi mysaly - kadrlyq másele men zańnamalyq suraqtar. Zańnamalyq suraqtarǵa biz erekshe mańyz berip otyrmyz», - deıdi Pavel Kazantsev «Nur Otan» partııasy janyndaǵy Áleýmettik keńes pen QR Parlamenti Májilisiniń Áleýmettik-mádenı damý komıtetiniń birlesken otyrysynda.
Depýtattyń aıtýynsha, Qazaqstanda geografııalyq turǵyda eshqandaı min joq.
«Bizde barlyq geogorafııalyq aýmaqtar, landshaftyq, taýly, sýly óńirler barshylyq. Kelesi jyldyń basynda týrızmdi damytý týraly zań qujattaryna ózgerister men tolyqtyrýlar engizý týraly zań jobasy osynda (Májiliske - avt) enetinin atap ótkim keledi», - deıdi depýtat.
Pavel Kazantsev kóptegen elderdiń ekonomıkasynyń draıveri bolyp otyrǵan ishki týrızmniń damýy bizdiń elde jetkilikti dárejede emestigin alǵa tartty.
«Prezıdent týrızmniń JІÓ-degi úlesin 2025 jylǵa deıin 10 paıyzǵa jetkizýdi tapsyryp otyr. Qazirgi ýaqytta JІÓ-degi ishki týrızmniń úlesi 1 paıyz ǵana. Meniń oıymsha, ishki týrızmniń kórsetkishi budan da az sekildi», - dep túıdi Pavel Kazantsev.
