Qazaqstanda ysyrapshyldyqqa qatysty áleýmettik rolık túsirildi
ALMATY. QazAqparat - Áleýmettik jelide ysyrapshyldyqpen maqtanýǵa qumar adamdardy ájýalaıtyn áleýmettik rolık paıda boldy.
Bir mınýttyq rolık «Qazaqstandyqtardyń únemshildikke kózqarasy» dep atalady. Onda otandastarymyzdyń únemshildikke beıim emes ekendigi kórsetilgen. ıAǵnı, daǵdarysqa qaramastan olar shashylyp toı jasaýǵa, qymbat baǵaly kıimder, buıymdar alýǵa qumar. Tipti sol úshin nesıe alýǵa da daıyn.
Mýltfılmniń avtorlary - almatylyq sýretshiler, anımatorlar mýzykanttar toby. Top músheleri qazaqstandyqtardyń aqshany qaıda jumsaıtyndyǵyn bilý úshin aldymen ózderiniń orynsyz shyǵyndaryn eseptep kórgen.
«Germanııadan kelgen dosymyz qazaqstandyqtardyń jalaqynyń azdyǵyna qaramastan sán-saltanatqa, qymbat buıymdar satyp alýǵa, úlken toı jasaýǵa qumar ekendigin kórip tań qaldy. Ol ózi qarapaıym ómir súredi. Ekinshi joǵary bilim alýǵa qushtar», - dedi joba rejısseri Dmıtrıı Şegolıhın.
Bul mýltfılm qazaqstandyqtardy aqshany únemdeýge, qaryzdanyp ulan-asyr toı jasamaýǵa shaqyrady.
Bir táýlikke jeter-jetpes ýaqyt ishinde rolıkti 60 myńnan astam adam kórgen. Degenmen, ınternet paıdalanýshylarynyń bir bóligi mýltfılımniń mańyzdy taqyrypty kótergendigin jáne jaqsy ázilmen jasalǵandyǵyn aıtsa, qalǵany bóligi «tym asyra siltep jibergen» deıdi.
Rolık avtorlarynyń aıtýynsha, rolıkke renjýdiń qajeti joq. Ony túsiný kerek.
«Únemshil bolýǵa úırenetin ýaqyt keldi. Damyǵan elderde bul qalypty jaǵdaı. Al bizde «kedeıshiliktiń» belgisi dep qabyldanady. Eger bul rolık adamdarǵa oı salsa, bizdiń maqsatymyzdyń oryndalǵany», - dedi óz kezeginde ıdeıa jáne rolıkte aıtylǵan sózderdiń avtory Tımýr Shaıtqalıev.
