Qazaqstanda YouTube Premium qashan qoljetimdi bolady

ASTANA. QazAqparat – Qazaqstandyqtar úshin YouTube Premium qoljetimdi bolýy máselesi jyl sońyna deıin sheshiledi, dep habarlaıdy QazAqparat tilshisi.

«Men AQSh-ta bolǵan kezde You Tube-tyń vıtse-prezıdentimen sóılestim. Biz kelistik. Olar jyl sońyna deıin bul jańartýdy ótkizemiz dep ýáde berdi», - dep jaýap berdi Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Úkimet úıinde ótken baspasóz máslıhatynda.

Mınıstrdiń aıtýynsha, qazir sońǵy jańartý jumystary júrip jatyr.

«Men You Tube basshylyǵymen hat alystym. Olar maǵan aımaq retinde bólek uıymdastyrý múmkin emes ekenin aıtty, qazir paket ázirlep jatyr. Biz kútýimiz kerek. Jyldyń sońyna deıin ýaqyt bar. Meniń oıymsha, You Tube ýádesin oryndaıdy», - deıdi vedomstvo basshysy.

Odan bólek, vedomstvo basshysy qoldanýshy retinde YouTube Premium qoljetimdi bolǵanyn ózi de kútip júrgenin tilge tıek etti.

Aıta keteıik, buǵan deıin Baǵdat Mýsın Tele2 jumysyndaǵy irkiliske qatysty túsinik bergen edi.