Qazaqstanda «ıAndeks.Taksıdiń» jumysyn toqtatý týraly sot sheshiminiń kúshi joıyldy
ALMATY. QazAqparat – Búgin apellıatsııalyq satydaǵy sotta Qazaqstanda «ıAndeks.Taksı» servısiniń jumysyn toqtatý týraly sot sheshiminiń kúshi joıyldy. Bul týraly Almaty prokýratýrasy Instagram-daǵy paraqshasynda jazdy, dep habarlaıdy QazAqparat.
Osyǵan deıin Almaty qalasynyń birinshi satydaǵy soty «G-taxi» JShS-nyń talap-aryzy boıynsha «ıAndeks.Taksı» kompanııasyn Qazaqstan Respýblıkasynyń aýmaǵynda taksıge tapsyrys berý júıesine baılanysty aqparattyq qyzmetter kórsetýin toqtatýǵa mindettegen edi. Sot isi patenttik daý-damaıǵa qatysty boldy.
Prokýratýradan málim etkendeı, vedomstvo atalmysh sot sheshimine qatysty apellıatsııalyq shaǵym túsirgen. Sebebi 100 myńǵa jýyq taksıst jumyssyz qalýy múmkin edi.
«Búgin apellıatsııalyq satydaǵy sot alqasy isti qaıta qarady. Prokýrordyń apellıatsııalyq ótinimhaty boıynsha sot sheshiminiń kúshin joıyp, «G-taxi» JShS-nyń talabyn negizsiz dep tanı otyryp, jańa sheshim shyǵardy», - delingen habarlamada.
