Qazaqstanda «ıAndeks Go» jáne «Uber» servısterinen aqaý shyqty
ASTANA. QazAqparat – Elimizde «ıAndeks Go» jáne «Uber» servısteriniń jumysynan aqaý shyqty. Bul týraly atalǵan platformalardy qoldanýshy qazaqstandyqtar jazdy, dep habarlaıdy QazAqparat tilshisi.
Aqaý saldarynan taksı jáne jetkizý qyzmetteri istemedi. ıAǵnı, servısterdi qoldanýshy el turǵyndary qosymshalarynda «belgisiz qate» jáne «operatsııany aıaqtaý múmkin bolmady» degen jazýlar shyqqan.
«Aqaý boldy, biraq qosymshalar qazir jumys istep tur. Eger qosymshalar áli jumys jasamaı jatsa, onda ony telefonnan óshirip, qaıta júktep kórińiz», - dedi QazAqparat tilshisine «ıAndeks»-tiń Qazaqstandaǵy tehnıkalyq qoldaý qyzmetinen.
Keıin Astana ýaqyty boıynsha shamamen saǵat 17:10-da servısterdiń jumysy qalpyna keltirildi.
Búgin reseılik buqaralyq aqparat quraldary da elde atalǵan qosymshalardan aqaý baıqalǵanyn habarlady.
