Qazaqstanda ıadrolyq otyn bankin ornalastyrýǵa MAGATE-niń qarsylyǵy joq - D. Turǵanov
ASTANA. Sáýirdiń 13-i. QazAqparat /Qanat Mámetqazyuly/ - Qazaqstanda ıadrolyq otyn bankin ornalastyrýǵa MAGATE-niń qarsylyǵy joq. Búgin QR Parlamenti Májilisinde «Atom energııasyn paıdalaný týraly» jańa zań jobasynyń tanystyrylymy barysynda Indýstrııa jáne jańa tehnologııalar vıtse-mınıstri Dúısenbaı Turǵanov osylaı málim etti,
dep habarlaıdy QazAqparat.
«Ótken aptada elimizge kelgen saparynda BUU Bas hatshysy men MAGATE Bas hatshysynyń orynbasary Semeı polıgonyna baryp, ondaǵy jaǵdaımen tanysqan bolatyn. Osy sapar aıasyndaǵy kezdesýlerde Qazaqstanda ıadrolyq otyn bankin ornalastyrý máseleleri jaıynda da sóz boldy. Búgingi kúni Reseı tarapy ıadrolyq otyn banki boıynsha bastama kóterip, olar óz aýmaǵynda muny júzege asyrýǵa múddeli bolyp otyr. Al MAGATE ókilderimen bolǵan áńgimede biz Qazaqstanda osy ıadrolyq otyn bankin ornalastyrý múmkindigi jaıynda suraǵan bolatynbyz. Ol boıynsha Bas hatshynyń orynbasary jalpy MAGATE-niń bul máselege sonshalyqty qarsylyǵy joqtyǵyn, tek ol boıynsha birqatar talaptar bolatynyn atap ótti. Degenmen, bul baǵytta naqty sheshimder qabyldanǵan joq», dedi D. Turǵanov.
