Qazaqstanda ıadrolyq qaýipsizdik jónindegi alǵashqy ınstıtýt ashylýy múmkin

Bul týraly búgin Almatyda ótip jatqan Qazaqstan ǵalymdarynyń forýmynda Bilim jáne ǵylym mınıstri Baqytjan Jumaǵulov Elbasyna usynys jasady.

«Sizdiń saıası danalyǵyńyz ben kóregendigińizdiń arqasynda Qazaqstan ıadrolyq áleýetinen bas tartqan álemdegi tuńǵysh el boldy. Sol sebepti Qazaqstanda ıadrolyq qaýipsizdik jónindegi birinshi ınstıtýtty ashý qısyndy bolmaq. Bul usynys qabyldanǵan jaǵdaıda oǵan BUU ınstıtýty mártebesin berýge bolady»,- dedi Baqytjan Tursynuly. Onyń aıtýynsha, qazirgi tańda álemniń 13 memleketindegi 15 ınstıtýtta adamzattyń ǵalamdyq máselelerin zertteý júrgizilýde. Bul memleketterdiń qataryna endi Qazaqstan da qosyla alady.