Qazaqstanda ıadrolyq qaldyqtardy saqtaıtyn polıgon ashylady degen áńgime shyndyqqa saıkes kelmeıdi - Máýlen Áshimbaev
ASTANA. 26 qazan. QazAqparat - Qazaqstanda ıadrolyq qaldyqtardy saqtaıtyn polıgondy ashý máselesi qarastyrylýy múmkin emes.
Búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Májilis depýtaty, Palatanyń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev osylaı aıtty. «Qazaqstanda ıadrolyq qaldyqtardy saqtaıtyn polıgon ashylady degen áńgime shyndyqqa saıkes kelmeıdi. Ondaı másele qarastyrylyp jatqan joq jáne qarastyrylýy da múmkin emes dep oılaımyn. Óıtkeni, elimizdiń qaýipsizdigine de, bolashaǵyna da tikeleı áser etetin dúnıe, sondyqtan bundaı máseleler Qazaqstanda kóterilýine eshqandaı negiz joq»,-dep atap ótti halyq qalaýlysy. Sonymen qatar M. Áshimbaev Qazaqstanda ıAdrolyq otyn bankin qurý jobasyna toqtaldy. «Qazirgi kezde elimizdiń Úkimeti men MAGATE (Atom energııasy jónindegi halyqaralyq agenttik) arasynda Qazaqstanda Halyqaralyq ıadrolyq otyn bankin qurý turǵysynda kelissózder júrgizip jatyr. Osy oraıda bul kelissózderdiń negizgi qaǵıdasy elimizdiń qaýipsizdigine, bolashaǵyna, halyqtyń densaýlyǵyna keri áserin tıgizbeýge tikeleı qatysty»,-dedi depýtat. Esterińizge sala keteıik, ıAdrolyq otyn bankin Úlbi metallýrgııa zaýyty bazasynda qurý qarastyrylýda. Bul turǵyda máseleniń mánisi tómen baıytylǵan ýrandy qoımada saqtaýǵa qatysty bolyp otyr. Osyndaı ýrandy Úlbi metallýrgııa zaýytynda ýran geksaftorıdin saqtaýǵa arnalǵan qoımalyq nysanda ornalastyrý múmkindigi bar.
