Qazaqstanda ıadrolyq jáne radıatsııalyq oqıǵalarǵa jedel den qoıý ortalyǵy ashyldy

QR Atom energııasy jónindegi agenttigi baspasóz qyzmetiniń habarlaýynsha, Ortalyq Qazaqstan men AQSh arasyndaǵy yntymaqtastyq aıasynda AQSh Energetıka mınıstrliginiń ıAdrolyq qaýipsizdik jónindegi ulttyq ákimshiliginiń (DOE/NNSA) qoldaýymen quryldy.

Ashylý rásimine Qazaqstan Respýblıkasynyń Atom energııasy jónindegi agenttiginiń, AQSh-tyń Qazaqstandaǵy elshiliginiń jáne AQSh Energetıka mınıstrliginiń ıAdrolyq qaýipsizdik jónindegi ulttyq ákimshiliginiń ókilderi qatysty.

Ortalyqtyń negizgi mindetteri – radıatsııalyq jaǵdaıdy monıtorıngteý jáne taldaý, jedel aqparat almasý, sondaı-aq ıadrolyq jáne radıatsııalyq oqıǵalar týyndaǵan kezde is-qımyldardy úılestirý.

Ortalyqtyń jumysy jedel ári negizdelgen sheshimder qabyldaý úshin qajetti shynaıy aqparatty ýaqtyly alýǵa múmkindik beredi.

-Ortalyqtyń ashylýy Qazaqstannyń ıadrolyq jáne radıatsııalyq qaýipsizdiginiń ulttyq júıesin nyǵaıtýdaǵy mańyzdy qadam bolyp sanalady. Onyń qyzmeti yqtımal ıadrolyq jáne radıatsııalyq oqıǵalarǵa den qoıýǵa ázirlikti arttyrýǵa, sondaı-aq memlekettik organdar men beıindi uıymdar arasyndaǵy ózara is-qımyldy damytýǵa yqpal etedi,-delingen habarlamada.

Aldaǵy ýaqytta ortalyqtyń tehnıkalyq jáne taldamalyq múmkindikterin damytý, vedomstvoaralyq ózara is-qımyldy jetildirý, mamandardy daıarlaý jáne olardyń biliktiligin arttyrý, sondaı-aq praktıkalyq jattyǵýlar ótkizý josparlanyp otyr.

Qazaqstan atom energetıkasyndaǵy áleýetin álemge tanystyǵan bolatyn.