Qazaqstanda ıadrolyq klasterdi damytý myńdaǵan jumys ornyn ashýǵa yqpal etedi
ASTANA. KAZINFORM – Qazaqstanda ıadrolyq klasterdi damytý myńdaǵan jumys ornyn quryp, ónerkásip pen ekonomıkanyń ósýine áser etedi.
Atom energııasy jónindegi agenttigi málimetinshe, ıadrolyq klasterdi damytý úshin elektr jelilik ınfraqurylymdy aýqymdy jańǵyrtý jáne damytý qajet bolady.
Jańa atom qýattaryn BEJ-ge tolyqqandy ıntegratsııalaý úshin joǵary kerneýli elektr berý jelilerin, qosalqy stantsııalardy, jelilik qosylý elementterin jáne kólik-logıstıkalyq ınfraqurylymdy salý talap etiledi.
Atom energetıkasyn damytý elge tek energetıkalyq emes, sonymen qatar mańyzdy áleýmettik-ekonomıkalyq tıimdilik beredi. Іri qurylys jáne ónerkásiptik jobalar dál mashına jasaý, metallýrgııa, qurylys jáne elektrotehnıkalyq materıaldar óndirisi sııaqty sabaqtas salalardyń damýyn yntalandyrady.
Qurylys kezeńinde (bir AES qurylysynyń eń joǵary kezeńinde 10 myń adamǵa deıin) jáne keıin ınjenerlik, ǵylymı, bilim berý jáne servıstik qurylymdarda myńdaǵan jumys oryndary ashylady.
Ulttyq kadrlardyń biliktiligi artyp, eksporttyq áleýet kúsheıip, óńirlik damý jandanady.
Aıta keteıik, «ıAdrolyq tehnologııalar parki» Atom energııasy jónindegi agenttiktiń qaramaǵyna ótti.
