Qazaqstanda WWF qoldaýymen «Jer saǵaty» aktsııasy ótedi
ASTANA. QazAqparat - Qazaqstanda WWF qoldaýymen «Jer saǵaty» ekologııalyq aktsııasy 25 naýryzda saǵat 20:30-da ótedi. Bul jolǵy Jer saǵatynyń basty taqyryby «Adamnyń ekologııalyq jaýapkershiligi», dep habarlaıdy QazAqparat.
2017 jyldyń 25 naýryzynda Qazaqstanda Dúnıejúzilik jabaıy tabıǵat qorynyń (WWF), G-Global halyqaralyq hatshylyǵynyń jáne «Jasyl ekonomıka» jáne G-Global damytý koalıtsııasynyń qamqorlyǵymen, Astana qalasy ákimdiginiń qoldaýymen uıymdastyrylǵan «Jer saǵaty» atty jyl saıynǵy aktsııasy ótedi. Іs-sharanyń maqsaty - ǵalamshardyń bolashaǵyna beı-jaı qaramaý belgisi retinde álem halqyn jaryqty jáne turmystyq elektr quraldaryn bir saǵatqa sóndirýge shaqyrý», - delingen «Jasyl ekonomıka» jáne G-Global damytý koalıtsııasy» baspasóz qyzmeti taratqan aqparatta.
«Jer saǵaty 2017» urany «Ǵalamshardy emes, ózińdi ózgert». Aktsııa aıasynda Dúnıejúzilik jabaıy tabıǵat qory adam tabıǵatqa qalaı áser etetini jáne osy áser etýdiń saldary qandaı bolatyny jaıynda aıtyp beredi.
«Biz ǵalamsharǵa shamadan tys joǵary júktemeni artamyz. Búgingi tańda adamzat udaıy jańǵyrýy úshin osyndaı Jer sııaqty 1,6 ǵalamshar qajet bolatyndaı qorlardy paıdalanady. Jer saǵaty aıasynda WWF árkimdi óziniń ádetterine jáne tutynýshylyq izetterine jaýapkershilikpen qaraýǵa shaqyrady», deıdi Reseı WWF Ortalyq-Azııa baǵdarlamasynyń dırektory Ekaterına Vorobeva.
Taıaý kúnderi Qazaqstanda Jer saǵatynyń saıtyn iske qosý týraly aqparat jarııalanatyn bolady. Onda aktsııaǵa qalaı qatysýǵa bolatyny týraly tolyq aqparat ornalastyrylady. Anyqtamalyq aqparatty jáne ǵalamsharǵa áserdi qalaı tómendetýge bolatyny jaıynda keńesterdi qazirdiń ózinde «Jer saǵatynyń» orys tilindegi saıtynan alýǵa bolady: wwf.ru/60.
«Ekologııanyń máseleleri týraly bári biledi, biraq bul bilim barynsha tar uǵymda jáne adamdardyń minez-qulqy men ómir súrý saltyn ózgertpeıdi. Eger adamzat ekonomıkany ekologııalyq negizde qaıta qurmasa, onda 2030 jylǵa qaraı ónerkásip pen qalalar men kentterdiń úlkeıýinenń tabıǵatqa túsiretin údemeli salmaǵyn kóterý úshin bizdikindeı taǵy eki ǵalamshar qajet bolady», deıdi «Jasyl ekonomıka» jáne G-Global damytý Koalıtsııasy basqarmasynyń tóraıymy Saltanat Rahymbekova.
