Qazaqstanda Windows operatsııalyq júıeleriniń qazaq tildi nusqalaryna degen suranys 1 paıyzǵa da jetpeıdi
nbsp;ASTANA. Naýryzdyń 2-si. QazAqparat /Jasulan Amanbaıuly/ - Qazaqstanda Windows operatsııalyq júıeleriniń jáne MS Office redaktorynyń qazaq tildi nusqalaryna degen suranys 1 paıyzǵa da jetpeıdi. Bul týraly búgin jýrnalısterge Qazaqstandaǵy Windows kompanııasynyń bas dırektory Gıýnter Dam málim etti.
Microsoft-tyń operatsııalyq ónimderi sanalatyn Windows, Office ı Share Point qazaq tiline aýdarylǵan bolatyn. Degenmen, ókinishke qaraı, ol ónimderge suranystyń tym az ekendigin moıyndaýymyz kerek», dedi «Bilim berýdegi ınnovatsııa» atty halyqaralyq forým barysynda kompanııa basshysy G. Dam.
Kompanııanyń jurtshylyqpen baılanys bóliminiń bastyǵy Elena Aryshevanyń agenttik jýrnalısine atap kórsetkenindeı, Windows baǵdarlamasyna arnalǵan tildik paketti ınternetten kóshirip alýǵa bolady. Ol barlyq ınterfeısti qazaq tilinde ornatýǵa septesedi. Microsoft Office lıtsenzııalyq baǵdarlamasy satylymda bar. Osy eki ónimniń ınternetten kóshirip alý jáne satyp alý kórsetkishterin saralasaq, olarǵa degen suranystyń 1 paıyzdan da kem ekendigin kórýge bolady, dedi E. Arysheva.
